Ljore

Ein ljore er ei lysopning i taket på gamle hus. Ljoren kan òg fungere som røykopning over åren i ei årestove eller tilsvarande for ein røykomn i ei røykstove. For å halde varmen inne og regn ute, kan ein dekke ljoren med ein skjå.

Etymologisk har ordet ljore (norrønt ljôri) samanheng med ordet ljos eller lys.^[1][2]

Ljoren vart avløyst av vindauge for å få inn ljoset og skorstein for å få ut røyken frå eldstaden, og i dag er hus med ljore sjeldne.

1. ↑ Falk, Hjalmar og Alf Torp 1903-05: Etymologisk ordbog over det norske og det danske sprog, s.465
2. ↑ «ljore» i Nynorskordboka.