Montreal

Montréal
by
Flagg Våpenskjold
Motto: Concordia Salus – «Frelse av harmoni»
Kallenamn: City of Mary (Ville-Marie)
Land	Canada
Provins	Quebec
Del av	Greater Montreal, Urban agglomeration of Montreal
Areal	498 km²
Folketal	1 762 949 (2021)[1]
Grunnlagd	1642
Tidssone	EST (UTC-5)
•  Sommartid	EDT (UTC-4)
Postnummer	H
Retningsnummer	514 og 438
Montreal 45°30′12″N 73°35′13″W / 45.5033426°N 73.5868411°W / 45.5033426; -73.5868411
Wikimedia Commons: Montreal

Montreal eller Montréal er den nest største byen i Canada, og den største i den canadiske provinsen Quebec. Opphavleg vart byen kalla Ville-Marie («Maria by»), men vart omdøypt til Montréal på 1700-talet, eit namn som kjem frå det franske Mont Royal («Kongeleg fjell»), som var namnet på ein ås med tre toppar i hjarte av byen.

Tidlegare var Montreal det største storbyområdet i Canada (i dag er det Toronto), men er den nest største fransktalande byen i den vestlege verda etter Paris. Ei folketeljing i 2021 talde 1 762 949 innbyggjar i sjølve Montreal. Montreal er det 15. største storbyområdet i Nord-Amerika^[3] og det 74. største i verda. 70 % av innbyggjarane er fransktalande, medan resten har engelsk eller andre minoritetsspråk som morsmål.

Montreal ligg sørvest i Quebec, om lag 200 km sørvest for provinshovudstaden Québec og 150 km aust for Ottawa, hovudstaden i Canada.

Montreal arrangerte Verdsutstillinga i 1967 (Expo '67), og var vertsby for Sommar-OL 1976.

Université de Montréal er det største franskspråklege universitet i byen med rundt 50 000 studentar. Universitetet ligg i området Côte des Neiges, og har fleire ulike fakultet innanfor kommunikasjon, språk, medisin mfl. Der er fleire engelskspråklege universitet, og det mest kjende er McGill University.

1. ↑ ^{1,0 1,1 1,2 1,3} https://www150.statcan.gc.ca/t1/tbl1/fr/tv.action?pid=9810000201.
2. ↑ ^{2,0 2,1 2,2} https://www.donneesquebec.ca/recherche/fr/dataset/repertoire-des-municipalites-du-quebec/resource/c27b1830-2b46-4e80-819b-6238ff7c3b03; vitjingsdato: 10. desember 2023.
3. ↑ folketeljing 2000 - Storbyområde