Numedalsbanen

Numedalsbanen
Numedalsbanen ved Bjørnsrud i Flesberg. Delar av banen øydelagt pga flom i 2002.
Info
Type	Jernbane
System	Enkeltspora uelektrifisert bane
Status	Sidebane utan regulær trafikk nord for Flesberg Persontransport innstilt 31. desember 1988
Utgangsstasjon	Kongsberg
Endestasjon	Rødberg
Drift
Opna	1927
Eigar	Bane Nor
Type trafikk	Gods
Teknisk
Lengde	92,8 km
Bruer	18
Tunnelar	17
Planovergangar	128
Numedalsbanen

Numedalsbanen er den 92,8 km lange jarnbanestrekninga frå Kongsberg stasjon til Rødberg stasjon (i Nore og Uvdal kommune). Heile strekninga ligg i Buskerud fylke.

Numedalsbanen vart offisielt opna den 19. november 1927^[1] med Haakon VII og kronprins Olav til stades.

Numedalsbanen vart nedlagd frå 1. januar 1989.^[1] I nokre planar var det tenkt at banen skulle verta ein del av Bergensbanen. Det var damplokomotiv på Numedalsbanen fram til 1970.^[2] Etter det vart det nytta diesellokomotiv fram til banen vart nedlagd.

Numedalsbanen vart freda av Riksantikvaren i 2013. Fredinga omfattar 70 stader, både stasjonar og tunellar.^[2]

1. ↑ ^{1,0 1,1} Thor Bjerke, Finn Holom (2004). «Numedalsbanen, Kongsberg-Rødberg». Banedata 2004 : data om infrastrukturen til jernbanene i Norge. Hamar / Oslo: Norsk Jernbaneklubb / Norsk Jernbanemuseum. s. 228. ISBN 82-90286-28-7. 
2. ↑ ^{2,0 2,1} «Numedalsbanen». Riksantikvaren / Kulturminnesøk. Henta 22. september 2017.