Olenjok

Olenjok
elv
Land	Russland
Nedslagsfelt	219 000 km²
Lengd	2 292 km
Middelvassføring	95,7 m³/s
Kjelde	Det sentralsibirske platået
Munning	Laptevhavet
Olenjok 67°35′17″N 105°09′16″E / 67.5881°N 105.1544°E / 67.5881; 105.1544
Wikimedia Commons: Olenyok River

Olenjok (russisk Оленёк) er ei stor elv nord i Sibir i Russland. Elva er 2292 km lang, der rundt 1000 km kan nyttast til skipsfart, og har eit nedslagsfelt på 219 000 km². Den største sideelva hennar er Arga-Sala.

Elva har utspring nord på Det sentralsibirske platået og renn frå her nordaustover gjennom Olenjok, før ho munnar ut i Olenjokbukta i Laptevhavet ved Ust-Olenjok like vest for Lenadeltaet.

Olenjok er kjend for å vere rik på fisk. Ho er isdekt over åtte månader kvar år og klimaet i området er hardt.

• Djangylakh eller Dzjangylakh (Ostrov Djangylakh) 73°05′20″N 120°08′24″E / 73.089°N 120.140°E / 73.089; 120.140 er ei stor, flat deltaøy som ligg ved munningen av Olenjok. Det er fleire mindre øyar like i nærleiken, som Eppetøya på austsida, men ingen er like store. Djangylakh er 21 km lang og 16 km brei.