Provinsen Verona

Verona
provins
Vinranker og valmuar i Verona
Symbol
Land	Italia
Region	Veneto
Hovudstad	Verona
Areal	3 109 km²
Folketal	860 796  (2004)
Postnummer	37010-37069
Retningsnummer	04, 045, 0442
Bilnummer	VR
Provinsen Verona 45°26′N 10°59′E / 45.43°N 10.98°E / 45.43; 10.98
Kart som viser Provinsen Verona.
Wikimedia Commons: Province of Verona

Provinsen Verona (italiensk Provincia di Verona) er ein provins i regionen Veneto i Italia. Hovudstaden er byen Verona. Han har eit areal på 3 109 km² og totalt 860 796 innbyggjarar (2004).

Provinsen grensar mot provinsen Trento i nord, Vicenza og Padova i aust, Rovigo i sør og Mantova og Brescia i sør og vest.

Det er 98 kommunar i provinsen.Dei viktigaste kommunane er mellom anna Bovolone, Bonavigo, Bussolengo, Cerea, Legnago, Negrar, Peschiera del Garda, San Bonifacio, San Giovanni Lupatoto, San Martino Buon Albergo, Soave, Sona og Villafranca di Verona.^[1]

Byen Verona er ein verdsarvstad.^[2] Byen er mellom anna kjend frå Romeo and Juliet av Shakespeare, med Casa di Giulietta (huset til Juliet med ein balkong som er viktig i stykket) er eit viktig turistmål.^[2] Gardasjøen er også eit kjent turistmål i provinsen. Provinsen har elles fleire slott, tårn, kloster og andre gamle bygningar. Valpolicella er kjend for vinane sine. Den største naturlege brua i Europa, Ponte di Veja, ligg også i Verona. Norddelen av provinsen er åslendt med fleire elvar, mellom anna Tartaro, Caslagnaro og Adige.^[3]

1. ↑ «Banca Dati Provincia Verona» (på italiensk). Unione delle Province d‘Italia. Arkivert frå originalen 28 April 2014. Henta 18 September 2014. 
2. ↑ ^{2,0 2,1} «Verona, Veneto». Italia. Arkivert frå originalen 9. oktober 2014. Henta 18. september 2014. 
3. ↑ The Penny Cyclopaedia of the Society for the Diffusion of Useful Knowledge. 1843. s. 268.