Reise

Reis eller reise er ei lengre ferd for ein person eller eit fartøy. Reiser kan føregå til fots eller med ulike transportmiddel og dekkjer som regel ein viss avstand. Dei kan også forventast å ta ein del tid.

Historisk har dei lengre reisene typisk vore handelsreiser, pilgrimsreiser, migrasjon eller oppdagingsreiser. I nyare tid er reise for opplevinga eller utviklinga til den reisande blitt meir vanleg, som i ulike former for turisme. Reising kan også knytast til arbeidslivet, som kollektivreise, pendling, tenestereiser og liknande.

Reising og tilknytte næringsfelt er tekne opp i reiselivsfaget og er organisert i reiselivsnæringa.