Theropodar

Theropodar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Overklasse:	Tetrapodar Tetrapoda
Klasse:	Krypdyr Reptilia
Overorden:	Dinosaurar Dinosauria
Orden:	Saurischia
Klade:	Theropodar Theropoda Marsh, 1881

Theropodar var ei gruppe av tofota dinosaurar av biologisk orden Saurischia. Sjølv om dei hovudsakleg var kjøttetande, utvikla ei rekkje theropodfamiliar seg til planteetarar under krittida. Theropodar dukka først opp under carnium-alderen i sein trias for omtrent 230 millionar år sidan, og var dei einaste store terrestriske rovdyra frå tidleg jura til slutten av krittida, ca. 65 millionar år sidan. I dag er dei representerte med over 9 900 nolevande fugleartar, som utvikla seg i sein jura frå små, spesialiserte coelurosauriske dinosaurar.

Blant dei funksjonane som knyter theropodar til fuglar er føter med tre tær, eit gaffelbein/ønskebein (furcula), luftfylte beinstrukturar, og i einskilde fall òg fjør og ruging av egg.