Tsilma

Tsilma
elv
Land	Russland
Nedslagsfelt	21 500 km²
Lengd	374 km
Middelvassføring	228 m³/s
Kjelde	Timanhøgdene
Munning	Petsjora
Tsilma 65°26′37″N 52°05′33″E / 65.4436°N 52.0925°E / 65.4436; 52.0925

Tsilma (russisk Цильма) er ei elv i Republikken Komi i Russland og ei av sideelvane til Petsjora frå venstre.

Elva har ei lengd på 374 km og eit nedslagsfelt på 21 500 km². 54 km frå munningen har ho ei middelvassføring på 228 m³/s.

Dei største sideelvane hennar er Kosma og Tobysj frå venstre og Myla og Usa frå høgre.

Tsilma spring ut frå Timanhøgdene på grensa til Arkhangelsk oblast nordvest i republikken Komi. Ho renn nordover før ho svingar austover gjennom øydemarka. I den nedre delen av elva ligg det enkelte landsbyar ved breidda.

Tsilma renn ut i Petsjora på motsett side av byen Ust-Tsilma.