Americi

L’americi, simbòl Am, es l'element quimic de numèro atomic 95. Es un metau radioactiu transuranian de la familha deis actinids. Dins lei condicions normalas de temperatura e de pression, es de color gris blanc de densitat 12. Es una substància sintetica fòrça radioactiva.

Descubèrt en 1944 durant una experiéncia de bombardament de nuclèus de plutòni-239 per de neutrons menada per una còla de scientifics estatsunidencs, l'americi a pauc d'aplicacions en causa de son toxicitat. Pòu servir de fònts de raionaments ionizants en cristallografia ò en radiologia. Es tanben utilizat dins certanei sistèmas de deteccion incendi. Son isotòp pus estable es l'americi-243 de periòde radioactiu egau a 7 370 ans. Pasmens, lo pus observat es l'americi-239 que se forma dins lei reactors nuclears.