Basalt

Lo basalt, dich popularament pèira negra ò ròc ferral^[1], es una ròca magmatica extrusiva eissida dau refrejament de la lava basaltica au contacte de l'aire ò de l'aiga a la superficia de la planeta. Gris a negre, es una ròca basica fòrça dura que contèn mens de 20 % de qüars e mens de 10 % de feldspat. De mai, la màger part dei feldspat son sota de forma de plagioclasa. Es caracteristic dei fenomèns volcanicas effusius presents a l'entorn dei dorsalas oceanicas, dei ponchs cauds e de certanei zònas de subduccion. Per aquela rason, sa preséncia es fòrça comuna dins lei regions volcanicas.

L'equivalent dau basalt dins lei ròcas plutonicas es lo gabro.

1. ↑ Lo Congrès Permanent de la Lenga Occitana, Dicod'Òc, recèrca « basalte », consultat lo 15 d'aost de 2022, [1]