Brunei

Brunei Negara Brunei Darussalam
Bandièra Escut d'armas
Capitala e ciutat mai granda Bandar Seri Begawan 4° 24′ 00″ N, 114° 34′ 00″ E
Forma de govèrn Monarquia absoluda islamica
sultan Hassanal Bolkiah
Independéncia Reialme Unit
Data 1 de genièr de 1984
Superfícia 173en
• Totala 5 765 km²
• Aiga 8,6 % %
Populacion 170en
• Totala (2016) 436 620 ab.
• Densitat 75.7 ab./km²
Moneda (BND)
Indicatiu telefonic 673
ISO 3166 BN
Domeni internet .bn

Brunei es un pichon sultanat independent situat au nòrd de l'illa de Bornèo e enclavat dins lo territòri malai de Sarawak. Eissit d'un reiaume medievau, foguèt una poissança maritima regionala durant lei sègles XV e XVI e capitèt d'ocupar la mitat septentrionala de Bornèo. Pasmens, a partir de 1598, la concurréncia amb lei marchands europèus e de conflictes intèrnes afeblissèron lo poder reiau. De 1846 a 1890, lei sultans de Brunei perdèron la màger part de son territòri. Protegissèron son independéncia gràcias a l'establiment d'un protectorat britanic. Aquò durèt fins a 1984 e la restauracion de la sobeiranetat complèta de l'Estat. Brunei es ansin una dei darrierei monarquias absoludas de drech divin dins lo monde. Aquò es permes car son territòri contèn de resèrvas fòrça importantas d'idrocarburs que permèton lo finançament d'un Estat-Providéncia fòrça generós. Pasmens, aqueu modèl es menaçat per l'agotament d'aquelei resèrvas, previst vèrs 2035.