Commonwealth

Lo Commonwealth of Nations, sovent dich Commonwealth, es una associacion internacionala que gropa d'estats eissits de l'Empèri Britanic. Aparegut durant l'entre doas guèrras, foguèt formalament creat en 1949 entre divèrseis estats units per l'usatge de l'anglés, per una istòria e una cultura comunas e per un ensemble de valors politicas (democracia, drechs umans, Estat de drech... etc.). Leis estats membres son pas liats per d'obligacions particularas mai dèvon acceptar de cooperar entre elei dins lei domenis comerciaus, culturaus ò diplomatics. En 2020, lo Commonwealth èra compausat de 54 país que sa populacion èra estimada a 2,6 miliards d'abitants.