Crisi ecologica

Una crisi ecologica (ò crisi environamentala) es una situacion de demenicion duradissa de la biodiversitat d'un ecosistèma ò d'una espècia donada aguent un ròtle major sus l'ecosistèma considerat. Es entraïnada per la transformacion d'un mitan environamentau que sei condicions vènon desfavorablas a la subrevida d'una ò mai d'una populacion. Pòu èsser un fenomèn limitat a un territòri reduch ò estendut a la totalitat de la planeta. Dins aqueu cas, se parla sovent de crisi biologica car leis extincions d'espècias son nombrosas. Avans la Revolucion Industriala, la màger part dei crisis ecologicas èran d'origina naturala. Pasmens, dempuei lo sègle XIX, fòrça crisis son la consequéncia dirècta deis activitats umanas.