Puresha

Muchidzidzo Fundoyetsimba, (Physics), puresha (Pressure) izwi rinotsanangudza huhwandu hweFosi iri kudzvanya pamusoro penharaunda yakapimwa. Puresha inopimwa nechiyero chinonzi Pascal kana kuti N/m². Puresha inopimwa nerudzivo rwakarurama panharaunda yakadzvanyiwa nepuresha yacho.

• Ngatiti semuenzaniso pane zviumbwa zviviri chimwe nechimwe chine huremu hwe 100kg.
• Ngatitiyi chiumbwa chekutanga chakagara pauso hune nharaunda yakakura 1m², chepiri chakagara pauso hune nharaunda yakakura 0,5m².
• Zviumbwa zviviri zvinondonzwa neFosi yegunganidzo yakaenzana nokuda kwehuremu hwakaenzana.
• Asi chiumbwa chakagara pauso hudiki hwakakura 0,5m² ndicho chinodzvanya nepuresha yakakura.

Tsazaniso yepuresha inoti, Puresha, P = (Fosi)/(Nharaunda)

Saka puresha iri pachiumbwa chekutanga = (100 x 9.8)/(1) = 980 N/m²

Puresha iri pachiumbwa chepiri = (100 x 9.8)/(0.5) = 1960 N/m²