Daqiiq

Kani waa bog ku saabsan daqiiqda. Boga "bur" halkan ayaa laga soo toosiyay

Bur
Burka daqiiqda
Bah	budo ridqan (midho la jajabiyey)
Asalka	Midho Firiley
Jinsi xubnaha	Burka Cad   (qamadi, bariis) Burka Cas   (heed, garow, galley) Burka Iskujirka   (''noocyo badan midho firiley ah)

Bur, daqiiq (Af Ingiriis : flour; Af Carabi : ar‎) waa budo la ridqey (jajabiyey) oo ka samaysan miro inta ugu badan firiley ah taasi oo marka la kariyo (ama la dubo) laga dhigto cunto dadku isticmaalaan.

Burka sidoo kale loo yaqaano "daqiiq" waxaa laga diyaariyaa noocyo badan oo cunto ah, sida canjeerada, rootida, malawaxa, sabaayada, buskudka, cusheerka, keega, baagiyaha, canbaaburka iyo noocyo kale oo cuntada ka mid ah.

Inkastoo burka laga sameeyo dhamaan midhaha firileyda ah, waxaa ugu badan oo ugu caansan qamadiga oo laga isticmaalo meelo badan oo caalamka ah. Wadanka Soomaaliya, gaar ahaan deegaanada waqooyiga, waxaa inta ugu badan daqiiqda sidoo kale loo yaqaano "qoosh" laga diyaariyaa midhaha garowga, galleyda iyo qamadiga oo la iskudhex daray ama labo ka mid ah, kuwaasi oo lagu ridqo makiinado loogu talogalay jajabinta mirahan firileyda ah.

Wadanada qurbaha waxa caan ku ah oo aad loo isticmaalaa burka laga sameeyay qamadiga, taasi oo laga diyaariyo noocyo badan oo rooti, keeg iyo buskud ah.

Guud ahaan, dadweynaha caalamku waxay isticmaalayeen burka tan iyo horaantii ilbaxnimada, waxaana cilmibaadhisyo kala duwan lagu ogaaday in deegaano ka tirsan Hindiya, Bariga Dhexe, iyo Ameerika laga isticmaali jirey farsamada lagu diyaarsado daqiiqda.