Qaramada Midoobay

Kani waa maqaal ku saabsan Jimciyada Quruumaha Ka Dhaxaysa.

Boga "UN", "UNO", "QM" iyo "Jimciyada Quruumaha Ka Dhaxaysa" halkan ayaa laga soo toosiyay.

Soomaali Qamada Midoobey Carabi الأمم المتحدة Shiinees 联合国/聯合國 Isbaanish Naciones Unidas Faransiis Les Nations Unies Ruush Объединенных Наций
Maabka xubaha qaramada midoobay[lower-alpha 1]
Fadhiga		Xarunta sare New York (Deegaanada Caalamiga)
Luuqadaha Dowliga		Carabi Af Shiine Ingiriis Af-Faransiis Af-Raashiyan Af-Isbaanish[1]
Loo qoro		Urur Xidhiidhiya Dowladaha
Xubinimo		193 wadan 2 Deegaan
Hogaanka
-	Xoghayaha Guud	António Guterres ([[Burtuqaal]])
-	Xoghaye Ku Xigeen	Jan Eliasson (Iswidhan)
-	Madaxwaynaha Golaha Sare	Sam Kutesa (Yugandha)
-	Madaxweynaha Golaha Dhaqaalaha iyo Bulshooyi ka	Martin Sajdik
-	Madaxweynaha Golaha Amniga	Dato Ramlan Ibrahim
La soo xulay
-	Sharciga Qaramada Midoobay waxa la saxeexay	26 Juun 1945 (1945-06-26)
-	Dastuurka waxa la howlgaliyey	24 Oktoobar 1945 (1945-10-24)
Website www.un.org

Silsilad ka mid ah
Qaramada Midoobay
Goleyaasha Sare
Golaha Sare Golaha Amniga
Waaxyaha Ugu Muhiimsan
Golaha Sare Golaha Amniga Golaha Dhaqaalaha iyo Bulshada Golaha Kalsoonida Maxkamada Cadaalada Caalamka Golaha Xoghaynta
Ururada, Wakiilada iyo Hay'adaha
Hay'ada Caafimaadka Aduunka Hay'ada Cuntada Aduunka Hay'ada Qoxootiga Aduunka Wakaalada Duulista Hawada Aduunka Wakaalada Cuntada iyo Dalaga Hay'ada Daryeelka Caruurta UNESCO Barnamijka Horumarka Ururka Teknoolojiyada iyo Wershadaha Ururka Badaha Aduunka Wakaalada Ganacsiga Caalamka Ururka Isbedelka Cimilada Ururka Shaqaalaha Ururka Sicirka Lacagta Midowga Isgaarsiinta Caalamiga Machadka Cilmibaadhista Midowga Adeega Boosto Ururka Mulkiyada Aduunka Ururka Saadaasha Hawada Ururka Dalxiiska Dunida Midowga Warisgaadhsiinta Caalamiga Ururka Horumarinta Wershadaha Barnamijka Iskuxidhka HIV/AIDS
Ururo La Xidhiidha
Xarunta Ganacsiga Aduunka Wakaalada Awooda Atomik IFAD Ururka Ganacsiga Aduunka Ururka Mamnucida Hubka Kimiko Kooxda Bankiga Aduunka
v t e

Qaramada Midoobay (Af Ingiriis : The United Nations Organization) sida saxda ah lagu magacaabo "Ururka Qaramada Midoobay", waa urur caalami ah oo ka dhexeeya dalalka aduunka kaasi oo fadhigiisu yahay caasimada New York cariga Maraykanka. Ururka Qaramada Midoobay waxa la aasaasay Oktoobar 24, 1945 si loogu badalo ururkii ka horeeyay ee "Midowga Umadaha" (League of Nations). Ujeedada iyo hadafka Qaramada Midoobay wuxuu ahaa in uu ka shaqeeyo xidhiidhka wadanada xubnaha ka ah iyo in uu ka hortago dagaal ka qarxa wadanada caalamka.

Qaramada Midoobay waxaa lagu bilaabay heshiiska 51 wadan, laakiin sanadii ka dambeeyay ururku wuu balaadhay waxaana maanta xubin ka ah 193 wadan. Qaramada Midoobay waxaa maanta fadhi u ah caasimada New York, wadanka Maraykanka, wuxuuna xafiisyo waawayn ku leeyahay meelo kale oo dunida ah, sida Xafiiska Janiifa (Geneva), xafiiska Nayroobi iyo xafiiska Fiyena (Vienna). Ururka waxaa maalgeliya dhaqaale qiimaysan oo uu ka helo wadanada xubnaha iyo deeq caalami ah oo ka soo gasha wadanada qaar, ganacsato iyo shirkado gaar loo leeyahay. Waxaana ka mid ah hadafka Ururka Qaramada Midoobay inuu ka shaqeeyo nabad caalami ah, amniga, ilaalinta xuquuqda aadamaha, daryeelka bulshooyinka iyo kobcinta dhaqaalaha, ilaalada deegaanka, fidinta gargaarka dagdaga ah ee meelaha ka dhacaan abaaro, musiibo dabiici ah iyo colaada.

Wakhtigii uu socday Dagaalkii Labaad ee Aduunka ayaa madaxweyihii Maraykanka Franklin D. Roosevelt soo jeediyay in la aasaaso urur bedela Midowga Umadaha, waxaana la bilaabay qoritaanka Dastuurka Qaramad Midoobay ka dib markii la galay shirweyne dhacay intii u dhaxaysay Abril–Juun 1945; wuxuuna dastuurkani hirgalay bishii Oktoobar 1945, wakhtigaasi oo Qaramada Midoobay howl biloowday. Hadaba ujeedada iyo jiritaanka Qaramada Midoobay wuxuu shiki galay wakhtiyadii Dagaalka Qabow socday kaasi oo u dhexeeyay labo awoodood ee Maraykanka iyo Midowgii Soofiyeeti iyo xuladadeeda. Si kastaba ha ahaatee ururku wuxuu kaalin libaax ka qaatey farogalintii "Dagaalkii Labada Kuuriya" iyo "Howlgaladii Koongo".

Xubnaha ururku aad ayay u koreen wixii ka dambeeyay sanadihii1960kii wakhtigaasi oo wadano badan xoriyada qaateen. Wixii ka dambeeyay Dagaalkii Qaboowa Ururka Qaramada Midoobay wuxuu bilaabay inuu talaabo milatari qaado kuwaasi oo isbedel la taaban karo ka gaadhay. Guud ahaan Qaramada Midoobay waxay ka kooban tahay lix waaxood: Golaha Sare (oo ah waaxda maamulka guud gacanta ku heysa); Golaha Amniga (waaxdani waxay go'aamisaa xalka amaanka iyo nabada); Golaha Dhaqaalaha iyo Bulshada (ECOSOC) (waaxdani waxay ku shaqo leedahay dhiirigelinta iyo horumarinta dhaqaalaha caalamka iyo horumarka bulshooyinka); Golaha Xoghaynta (waaxdani waa maamulka iyo soo ururinta akhbaarta iyo macluudka Ururka Qaramada Midoobay u baahan yahay); Maxkamada Cadaalada Caalamiga (sidoo kale loo yaqaano Maxkamada Aduunka, waa waaxda u qaabilsan cadaalada); iyo Golaha Kalsoonida (United Nations Trusteeship Council) midkaasi oon shaqaynin tan iyo 1994.

Cite error: <ref> tags exist for a group named "lower-alpha", but no corresponding <references group="lower-alpha"/> tag was found

1. ↑ Official Languages, www.un.org. Retrieved 22 May 2015.