Juhara

Juhara / Vénus / Sukra

Juhara (ᮏᮥᮠᮛ) atawa Vénus (ᮗᮦᮔᮥᮞ᮪) atawa Sukra (ᮞᮥᮊᮢ) nyaéta planét pangdeukeutna kadua ti panonpoé sanggeus Mérkurius. Remen dilandi ku sebutan béntang timur (lamun subuh témbong di wétan), béntang barat (lamun magrib témbong di kulon), nelah ogé ku sebutan béntang kejora.^[1] Planét ieu ngabogaan radius 6.052 km sarta ngurilingan panonpoé dina waktu 225 poé. Atmosfir Vénus ngandung 97% karbondioksida (CO2) sarta 3% nitrogén, antukna ampir mustahil aya kahirupan.

Arah rotasi Vénus lalawanan jeung arah rotasi planét-planét séjén. Sajaba ti éta, jangka waktu rotasi Vénus leuwih lila batan jangka waktu révolusina dina ngurilingan panonpoé.

Kandungan atmosfirna anu pinuh ku CO2 ngabalukarkeun suhu kulitna pohara panas alatan éfék imah kaca. Atmosfir Vénus kandel sarta sok disimbutan ku awan. Ahli astrobiologi norah yén dina lapisan awan Vénus termobakteri nu tangtu masih bisa ngalangsungkeun kahirupan.

1. ↑ Octoberian, Nural. "Si Cantik Bintang Kejora". Himpunan Astronomi Amatir Jakarta. Diakses tanggal 12 Juni 2020.  Archived 2020-06-12 di Wayback Machine