Marilyn Monroe

Norma Jéane Mortenson atawa anu kasohor Marilyn Monroe (1 Juni 1926 - 5 Agustus 1962) nyaéta artis, penyanyi, katut modél asal Amerika Serikat anu lahir di Los Angeles, Kalifornia^[1][2]. Marilyn mulai dipikawanoh dina widang sen9i peran ngaliwatan tokoh Pola Debevoise dina pilem How To Marry a Millionaire (1953)^[1]. Norma ngaganti ngaranna jadi Marilyn Monroe dina 23 Pébruari 1956 ngaliwatan pengesahan pengadilan Amérika^[1].

Wanoja anu kasohor jadi modél majalah Playboy ieu pernah nikah jeung buruh pabrik anu ogé tentara dina Perang Dunya ka-II, James Doughert (19 Juni 1942 - 13 Séptémber 1946), tuluy nikah jeung Joe DiMaggio, atlit baseball tanggal 14 Januari 1954 tapi cerai tanggal 27 Oktober 1954^[1][2]. Terahir, Marilyn nikah jeung Arthur Miller tanggal 29 Juni 1956, tuluy cerai dina 21 Januari 1961^[1][2]. Tanggal 5 Agustus 1962 Marilyn kapanggih geus maot ku pembantu di Imahna, aya dugaan, Marilyn maot alatan loba teuing nginum ubar saré (overdosis)^[1][2].

1. ↑ ^{a b c d e f} Profil Marilyn Monroe-kapanlagi.com (diaksés tanggal 27 Nopémber 2011)
2. ↑ ^{a b c d} (en)Bio-trivia-Marilyn Monroe - imdb.com (diaksés tanggal 26 Nopémber 2011)