Surya Mandala

Surya mandala^[a] (Aksara Sunda : ᮞᮥᮛᮡ ᮙᮔ᮪ᮓᮜ) (Basa Indonésia: Tata Surya) ngawengku Panonpoé jeung objék banda angkasa nu kabeungkeut sacara gravitasional ku panonpoé: dalapan planét, 166 bulan nu teu kanyahoannan,^[1] tilu planét dwarf (Ceres, Pluto, jeung Eris sarta opat bulan nu kanyahoannana), jeung miliaran banda leutik. Katégori pandeuri ieu kaasup astéroid, objék beubeur Kuiper belt, komét, météoroid, jeung kebul interplanétér.

Dina istilah nu lega, wewengkon Sistim Suryamandala resmi kaasup Panonpoé, opat planét béh jero bumi , beubeur astéroid nu kasusun ku banda batuan leutik,opat raksasa gas planét béh luar bumi, jeung beubeur kadua, disebut beubeur Kuiper, nu kasusun ku objék ésan. Saluareun beubeur Kuiper ngampar cakram nu sumebar, héliopaus, sarta pamungkas awan Oort hipotésis.

Lamun diruntuykeun dumasar jarakna ti Panonpoé, planét-planét nyaéta Mérkurius, Juhara, Marcapada, Mars, Yupiter, Saturnus, Uranus, jeung Néptunus. Genep di antara dalapan planét dikurilingan dina orbitna ku satelit alam, biasana diistilahkeun "bulan" kawas Bulanna Bumi, sarta unggal planét béh luar dikurilingan ku cingcin planétér tina kebul jeung partikel lianna. Sakabéh planét kajaba Bumi/Marcapada dingaranan kawas déwa jeung déwi dina mitologi Yunani-Romawi. Tilu planét dwarf nyaéta Pluto, objek panggedéna dina beubeur Kuiper nu katangen; Ceres, objék panggedéna dina beubeur astéroid; sarta Eris, nu aya dina cakram sumebar.

1. ↑ Scott S. Sheppard. "The Jupiter Satellite Page". University of Hawaii. Diakses tanggal 2006-07-23.