Mbuzi

^{Kwa nyota zenye kutumia jina hili angalia Mbuzi (kundinyota)}

Mbuzi
Mbuzi-mwitu (Capra aegagrus)
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Ngeli: Mamalia (Wanyama wenye viwele wanaonyonyesha wadogo wao) Oda: Artiodactyla (Wanyama wenye vidole viwili au vinne mguuni) Nusuoda: Ruminantia (Wanyama wanaocheua) Familia: Bovidae (Wanyama walio na mnasaba na ng'ombe) J. E. Gray, 1821 Nusufamilia: Caprinae
Ngazi za chini
Jenasi 13: Ammotragus (Kondoo wa Barbari) Blyth, 1840 Arabitragus (Mbuzi Arabu) Ropiquet & Hassanin, 2005 Budorcas (Kondoo wa Himalaya) Hodgson, 1850 Capra (Mbuzi wa kweli) Linnaeus, 1758 Capricornis Ogilby, 1836 Hemitragus (C. H. Smith, 1826) Naemorhedus (Goral) C. H. Smith, 1827 Nilgiritragus (Mbuzi wa Nilgiri) Ropiquet & Hassanin, 2005 Oreamnos (Mbuzi-milima wa Marekani) Rafinesque, 1817 Ovibos (Maksai aktiki) de Blainville, 1816 Ovis (Kondoo wa kweli) Linnaeus, 1758 Pseudois (Kondoo buluu) Hodgson, 1846 Rupicapra (Mbuzi-miamba) de Blainville, 1816

Mbuzi ni wanyama wakubwa kiasi wa nusufamilia Caprinae katika familia Bovidae.

Spishi kadhaa huitwa kondoo lakini kwa kiuainisho hakuna tofauti kuu kati ya makundi haya.

Spishi zote za porini zina pembe kichwani, madume na majike, lakini kuna aina za mbuzi-kaya na kondoo-kaya ambazo hazina pembe.

Spishi za mbuzi zinaweza kugawanywa katika aina mbili zenye mienendo tofauti. Spishi za aina moja huishi kwa makundi madogo na hulinda eneo dogo kiasi lenye chakula kingi dhidi ya wana wa spishi zao zenyewe. Spishi hizi zina pembe kali. Spishi za aina nyingine huishi kwa makundi makubwa katika maeneo makubwa yenye chakula kichache au cha sifa duni. Spishi hizi huwekea eneo lao alama kutoka matezi ya harufu.