Upinde wa mvua

Upinde wa mvua (kwa Kiingereza "rainbow") ni tao la rangi mbalimbali angani ambalo linaweza kuonekana wakati Jua huangaza kupitia matone ya mvua inayoanguka.

Mfano wa rangi hizo huanza na nyekundu nje na hubadilika kupitia rangi ya chungwa, njano, kijani, bluu, na urujuani ndani. Rangi hizi na ufuatano ni sehemu ya spektra ya nuru.

Upinde wa mvua huundwa wakati mwanga unapindwa ukiingia matone ya maji hewani, unagawanyika kuwa rangi tofauti, na kurudishwa nyuma. Hapa spektra ya nuru inaonekana ambayo ni rangi mbalimbali zinazopatikana ndani ya mwanga ambayo sisi tunaona kwa macho kama nyeupe tu.

Upinde wa mvua upo katika umbo la duara. Chini, sehemu ya chini imefichwa, lakini angani, kama ndege ya kuruka, inaweza kuonekana kama mviringo karibu na eneo la kinyume na jua.

Mara nyingi upinde wa mvua huonekana baada ya dhoruba, na ni alama maarufu ya amani na maelewano kati ya watu wa tamaduni nyingi.