Wingu la Oort

Wingu la Oort (ing. Oort cloud) ni ukanda wa kudhaniwa angani unaozunguka mfumo wa Jua kwa umbali mkubwa nje ya mzingo wa sayari Uranus pia nje ya ukanda wa Kuiper. Ukanda huu unadhaniwa kuwa na magimba ya barafu na vumbi yaliyo na mwendo wa kuzunguka Jua kwa umbali kuanzia vizio astronomia 50,000 hadi 100,000 au zaidi (sawa na miakanuru 0.8 hadi 1.5). Kuwepo kwa wingu hili hakuthibitishwa kwa hiyo ni bado wingu la kinadharia. Nadharia hii ilitungwa na mwanaastronomia Mholanzi Jan Oort (1900 – 1992) aliyetafuta maelezo kwa asili na njia za nyotamkia zinazotokea katika mfumo wa Jua. Wingu la Oort linatazamiwa kuwa asili ya nyotamkia zenye obiti ndefu, ilhali zile zenye obiti fupi zinatoka katika Ukanda wa Kuiper.^[1]

Kwa hiyo wingu la Oort liko kwenye mpaka wa nje wa mfumo wa Jua letu; linapoishia uko pia mwisho wa athari ya graviti ya Jua letu katika anga baina ya nyota.^[2]

1. ↑ V. V. Emelyanenko; D.J. Asher & M.E. Bailey (2007). "The fundamental role of the Oort cloud in determining the flux of comets through the planetary system". Monthly Notices of the Royal Astronomical Society. 381 (2): 779–789. doi:10.1111/j.1365-2966.2007.12269.x. Iliwekwa mnamo 2008-03-31.{{cite journal}}: CS1 maint: multiple names: authors list (link)
2. ↑ "Kuiper Belt & Oort Cloud". NASA Solar System Exploration web site. NASA. Ilihifadhiwa kwenye nyaraka kutoka chanzo mnamo 2013-06-05. Iliwekwa mnamo 2011-08-08. {{cite web}}: External link in |work= (help)