Gloria Macapagal Arroyo

Gloria Macapagal-Arroyo
Ika-25 Ispiker ng Kapulungan ng mga Kinatawan ng Pilipinas
Nasa puwesto Hulyo 23, 2018 – Hunyo 30, 2019
Pangulo	Rodrigo Duterte
Nakaraang sinundan	Pantaleon Alvarez
Sinundan ni	Alan Peter Cayetano
Ika-14 na Pangulo ng Pilipinas Ika-apat na Pangulo ng Ikalimang Republika
Nasa puwesto Enero 20, 2001 – Hunyo 30, 2010
Pangalwang Pangulo	Teofisto Guingona (2001–2004) Noli de Castro (2004–2010)
Nakaraang sinundan	Joseph Ejercito Estrada
Sinundan ni	Benigno Aquino III
Ika-10 Pangalawang Pangulo ng Pilipinas Ikatlong Pangalawang Pangulo ng Ikalimang Republika
Nasa puwesto Hunyo 30, 1998 – Enero 20, 2001
Pangulo	Joseph Ejercito Estrada
Nakaraang sinundan	Joseph Ejercito Estrada
Sinundan ni	Teofisto Guingona
Kasapi ng Kapulungan ng mga Kinatawan ng Pilipinas mula sa Ikalawang Distrito ng Pampanga
Nasa puwesto Hunyo 30, 2010 – Hunyo 30, 2019
Nakaraang sinundan	Mikey Arroyo
Sinundan ni	Mikey Arroyo
Personal na detalye
Isinilang	(1947-04-05) 5 Abril 1947 (edad 77) San Juan, Rizal
Partidong pampolitika	Lakas Kampi CMD/Lakas–CMD (2008–2017; 2020–present)[1]
Ibang ugnayang pampolitika	PDP–Laban (2017–2020)[2] Lakas–NUCD/Lakas–NUCD–UMDP/Lakas–CMD (1998–2008) KAMPI (1997–2008) LDP (1992–1998)
Asawa	Jose Miguel Arroyo
Trabaho	Ekonomista
Pirma
Boses ni Gloria Macapagal-Arroyo Parte ng talumpati ng pagpapaalam para sa pagbisita papuntang Estados Unidos (Narekord noong Hulyo 29, 2009)

Si Maria Gloria Macaraeg Macapagal Arroyo (ipinanganak 5 Abril 1947), madalas na tinutukoy ng kanyang mga inisyal na GMA, ay Pilipinong akademiko at politiko na naglingkod bilang ika-14 na pangulo ng Pilipinas mula 2001 hanggang 2010. Siya ang ikalawang babaeng pangulo ng bansa, at anak ng dating pangulong si Diosdado Macapagal.

Isang propesor ng ekonomiks, si Arroyo ay pumasok sa pamahalaan noong 1987, na naglingkod bilang pangalawang kalihim at ilalim-kalihim (undersecretary) ng Kagawaran ng Kalakalan at Industriya sa pag-talaga sa kanya ni Pangulong Corazon Aquino. Pagkatapos maglingkod bilang senador mula 1992 hanggang 1998, siya ay nahalal na Pangalawang Pangulo sa ilalim ni Pangulong Joseph Estrada kahit na ito ay tumakbo sa kalabang partido. Pagkatapos maakusahan si Estrada ng korupsiyon, nagbitiw siya sa posisyon niya bilang gabinete bilang kalihim ng Kagawaran ng Kagalingang Panlipunan at Pagpapaunlad at sumali sa lumalaking bilang ng mga oposisyon sa Pangulo, na humarap sa paglilitis. Si Estrada ay napaalis sa pwesto sa pamamagitan ng tinatawag ng mga tagapagtaguyod nito bilang mga mapayapang demonstrasyon sa lansangan ng EDSA, ngunit binansagan namang ng mga kritiko nito bilang pagsasabwatan ng mga elitista sa larangan ng politika, negosyo, militar at ni Obispo Jaime Kardinal Sin ng Simbahang Katoliko ^[3]. Si Arroyo ay pinanumpa bilang Pangulo ng noon ay Punong Mahistrado na si Hilario Davide, Jr. noong 20 Enero 2001 sa gitna ng lipon ng mga tao ng EDSA II, ilang oras bago nilisan ni Estrada ang Palasyo ng Malakanyang. Siya ay nahalal upang maupo bilang pangulo sa loob ng anim na taon noong kontrobersiyal na eleksiyon ng Pilipinas noong Mayo 2004, at nanumpa noon 30 Hunyo 2004.

1. ↑ Cepeda, M. (March 9, 2020). "Arroyo, De Venecia reunite as Lakas-CMD vow to 'win' members back". Rappler. Nakuha noong May 16, 2020.
2. ↑ Rosario, Ben (October 11, 2017). "Gloria joins ruling PDP Laban". Manila Bulletin. Inarkibo mula sa orihinal noong October 11, 2017. Nakuha noong October 11, 2017.
3. ↑ Bowring, Philip. "Filipino Democracy Needs Stronger Institutions." International Herald Tribune website. 2001, Enero 22. Retrieved 14 Pebrero 2009. https://web.archive.org/web/20051026033050/http://www.iht.com/articles/2001/01/22/edbow.t_3.php