Katoliko

Ang salitang Katoliko (Ingles: Catholic) ay galing sa Griyegong salita na καθολικός (katholikos) na ibig sabihin ay Sanlibutan o Pangkalahatan. Ang terminong ito'y madalas ginagamit para sa Simbahan Katoliko Romano na ganap na kumunyon sa Obispo ng Roma, na binubuo ng Latin Rite at 22 pang ibang Katolikong simbahan sa Silangan; ito'y madalas na ginagamit sa karamihan ng mga bansa. Ang interpretasyong "Sanlibutan" ay karaniwang ginagamit upang maunawaan ang parilalang "Isang Banal na Iglesyang Katolika at Apostolika" sa Pananampalatayang Niceano, ang parilalang "Ang Pananampalatayang Katoliko" sa Pananampalatayang Atanacia, ang parilalang "Banal na iglesya Katolika" sa sinasabing Pananampataya ng mga Apostol.^[1]

Ang unang paggamit ng terminong "Iglesya Katolika" (literal na nangangahulugang "pangkalahatang simbahan") ay nagmula sa "Ama ng Simbahan" na si Saint Ignatius ng Antioch sa kanyang Liham sa mga Smyrnaeans (circa 110 AD). Siya ang kauna-unahang tao na tumawag sa komunidad na itinatag ni Jesus na "Iglesia Katolika", na sa kanyang sariling pananaw, ito lamang ang kanyang paraan ng pagpapaliwanag na ang Simbahan ay bukas sa sinumang gustong maging tagasunod ni Hesus. Ang mga liham ni Ignatius ay marubdob na idiniin ang kahalagahan ng pagkakaisa ng Simbahan, ang mga panganib ng maling pananampalataya, at ang higit na kahalagahan ng Eukaristiya bilang "gamot ng kawalang-kamatayan." Ang mga sulat na ito ay naglalaman ng unang nakasulat na paglalarawan ng Simbahan bilang "Katoliko," mula sa salitang Griyego na nagpapahiwatig ng kapunuang sanlibutan.

Mula sa "Ang Kredo ng Apostol", na inilathala ni Clement H. Crock sa pahina 191, noong 1870, sa Konsilyo ng Batikano, ang pangalang iglesia Katolika Apostolika Romana ay opisyal na iminungkahi datapuwa’t tinutulan, ngunit dahil ang mga obispong nagkatipon ay nagpahayag ng pagkakaisa ng pagsang-ayon, buong pagkakaisang nagpasiya na ang pangalang opisyal ay idineklarang gamiting, "Ang Banal na Iglesia Katolika Apostolika Romana," na ito ang pangalan nanatili magpahanggang kasalukuyan sa kanyang estado na sanlibutan.

1. ↑ Ang interpretasyong "Sanlibutan" ay karaniwang ginagamit upang maunawaan ang parilalang "Isang Banal na Iglesyang Katolika at Apostolika" sa Pananampalatayang Niceano, ang parilalang "ang pananampalatayang Katoliko" sa Pananampalatayang Atanacia, ang parilalang "Banal na iglesya Katolika" sa sinasabing Pananampataya ng mga Apostol.