Maguindanao del Sur

Maguindanao del Sur
Lalawigan
Lalawigan ng Maguindanao del Sur
Sagisag
Mapa ng Pilipinas na magpapakita ng lalawigan ng Maguindanao del Sur
Mga koordinado: 6°55'N, 124°34'E
Bansa	Pilipinas
Rehiyon	Bangsamoro
Kabisera	Buluan
Pagkakatatag	18 Setyembre 2022
Pamahalaan
• Uri	Sangguniang Panlalawigan
Populasyon  (senso ng 2020)
• Kabuuan	803,196
Kodigo ng ISO 3166	PH-MGS

Ang Maguindanao del Sur (Maguindanao: Pagabagatan Magindanaw, Jawi:ڤاڬابڬتن ماڬينداناو) ay isang lalawigan sa Pilipinas na walang baybayin na matatagpuan sa Rehiyong Awtonomo ng Bangsamoro sa Mindanao. Ang bayan ng Buluan na malapit sa lungsod ng Tacurong sa katabing lalawigan ng Sultan Kudarat ay ang kabisera ng lalawigan. Napapaligiran ito ng lalawigan ng Cotabato sa silangan at hilaga, Maguindanao del Norte sa kanluran at hilaga, at Sultan Kudarat sa timog. Ayon sa senso ng 2020, ito ay may populasyon na 803,196.

Nabuo ang Maguindanao del Sur nang nahati ang Maguindanao sa dalawang lalawigan; Maguindanao del Norte ang isa pang lalawigan. Naganap ang dibisyon pagkatapos magkaroon ng plebesito noong Setyembre 17, 2022 na niratipika ang Batas Republika 11550 na sinaad ang paghahati ng lalawigan.^[1][2]

1. ↑ "With Maguindanao split into 2, Mindanao now has 28 provinces and BARMM has 6". MindaNews (sa wikang Ingles). Setyembre 18, 2022. Nakuha noong Setyembre 18, 2022.
2. ↑ "Re: Setyembre 17, 2022 Plebiscite to Ratify the Division of the Province of Maguindanao into 2 Districts and Independent Provinces , to be knows as the Provinces of Maguindanao del Norte and Maguindanao del Sur (RA11550; May 27, 2021)". Commission on Elections (sa wikang Ingles). Setyembre 18, 2022. Nakuha noong Setyembre 19, 2022.