Nuwes

Ang isang nuwes (Ingles: nut) ay isang bunga na binubuo ng isang matigas o matibay na balat na prinoprotekta ang isang buto na kadalasang nakakain. Sa pangkalahatang gamit at kahulugang pangkusina, tinatawag na nuwes ang isang malawak na kalipunan ng tuyong buto, subalit sa kontekstong pambotanika, ipinapahiwatig ng "nuwes" na ang hindi nagbubukas ang balat upang ilabas ang buto (indehisente o hindi nabibiyak o pumuputok kapag nahihinog).

Karamihan sa mga buto mula sa mga prutas ay likas na nilalabas ang sarili mula sa balat, subalit hindi ganito sa mga nuwes tulad ng mga abelyana, kastanyas, at beyota, na may matigas na balat at nagmula sa obaryong kompuwesto. Ang pangkalahatan at orihinal na gamit ng katawagan ay hindi gaanong limitado, ang maraming nuwes (sa kahulugang pangkusina), tulad ng mga almendras, pistatso, at nuwes ng Brasil,^[1] ay hindi nuwes sa kahulugang pambotanika. Karaniwang tumutukoy ang gamit ng katawagan sa kahit anumang matigas na balat na nakakain ang buto bilang isang nuwes.^[2] Siksik sa enerhiya at mapagkukunang pagkaing mayaman sa nutrisyon ang mga nuwes.^[3]

1. ↑ Alasalvar, Cesarettin; Shahidi, Fereidoon (17 Disyembre 2008). Tree Nuts: Composition, Phytochemicals, and Health Effects (Nutraceutical Science and Technology) (sa wikang Ingles). CRC. p. 143. ISBN 978-0-8493-3735-2.
2. ↑ Black, Michael H.; Halmer, Peter (2006). The encyclopedia of seeds: science, technology and uses (sa wikang Ingles). Wallingford, UK: CABI. p. 228. ISBN 978-0-85199-723-0.
3. ↑ "Nuts" (sa wikang Ingles). Micronutrient Information Center, Linus Pauling Institute, Oregon State University, Corvallis, OR. 1 Setyembre 2018. Inarkibo mula sa orihinal noong 28 Marso 2019. Nakuha noong 28 Marso 2019.