Partikula

Sa mga agham pisikal, ang isang partikula(o corpuskulo sa mas lumang teksto) ay isang maliit na nakalokal na bagay na maaring isalarawan sa pamamagitan ng ilang katangiang pisikal o kimikal, tulad ng bolyum, densidad, o masa.^[1][2] Malaki ang pagkakaiba-iba nila sa laki at dami, mula sa mga partikulang subatomiko tulad ng elektron, hanggang sa mga partikulang mikroskopiko tulad ng mga atomo at molekula, hanggang sa partikulang makroskopiko tulad ng mga pulbo at butil-butil na mga materyal. Maaring gamitin ang mga partikula upang makagawa ng modelong siyentipiko ng mas malaking bagay depende sa kanilang densidad, tulad ng tao na gumagalaw sa karamihan o bagay sa kalawakan na gumagalaw.

Pangkalahatan sa halip ang katawagang partikula sa kahulugan, at pinipino ayon sa pangangailangan ng iba't ibang larangang siyentipiko. Anuman na binubuo ng mga partikula ay maaring tukuyin bilang na partikulado.^[3] Bagaman, ang pangngalang partikulado ay pinakakaraniwang tumutukoy sa mga pollutant o kontaminante sa atmospera ng Daigdig, na mga suspensyon ng di-konektadong mga partikula, sa halip na isang nakakonektang agregado.

1. ↑ "Particle". AMS Glossary (sa wikang Ingles). American Meteorological Society. Nakuha noong 2015-04-12.
2. ↑ "Particle". Oxford English Dictionary (sa wikang Ingles) (ika-Ikatlong (na) edisyon). Oxford University Press. Setyembre 2005.
3. ↑ T. W. Lambe; R. V. Whitman (1969). Soil Mechanics (sa wikang Ingles). John Wiley & Sons. p. 18. ISBN 978-0-471-51192-2. The word 'particulate' means 'of or pertaining to a system of particles'.