Uhog

Para sa sakit na sipon, tingnan ang Karaniwang sipon

Ang uhog o sipon (Ingles: mucus, bigkas: myu-kus; nasal mucus o "uhog sa ilong" o "sipon sa ilong") ay ang malapot na bagay na binubuo ng mga musino (o mucin), selula, asin, at tubig na pantakip sa at pampadulas sa lamad na mukosa o membrano ng mukosa (membranong mukosal, Ingles: nasal mucosa).^[1] Ito ang madulas at mamasa-masang dumi na nagiging kulangot o ang tumigas at natuyong uhog (Ingles: booger) na natatagpuan sa kahabaan ng lamad na mukosa ng ilong.^[1]

Sa larangan ng medisina, mas malawak ang kahulugan ng uhog sapagkat ito ang malinaw at madikit na sustansiyang gawa ng mga membrano ng mukosa, na gumuguhit o nakalinya sa mga bukasan ng katawang katulad ng ilong, bibig, at ilang mga partikular na organong kagaya ng tiyan at mga bituka. Pinananatili ng uhog o mukus at myukus (mula sa Ingles na mucus) ang pagiging mamasa-masa ng mga nabanggit na bahagi o pook ng katawan, at nagsisilbing pamprotekta o pananggalang na pambalot ng mga ito.^[2]

1. ↑ ^{1.0 1.1} Gaboy, Luciano L. Mucus, uhog, kulangot - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
2. ↑ "Mucus, Some Medical Terms, Diseases". The New Book of Knowledge (Ang Bagong Aklat ng Kaalaman), Grolier Incorporated. 1977., pahina 206.