Sirena

Sirena (fransirena sirene) — katta intensivliqdagi tovush toʻlqinlari tarqatadigan akustik asbob. Unda kuch bilan otilib chiqayotgan gaz (havo) yoki bugʻ oqimi teshikteshik disk bilan yoki votkana usulda toʻsiladi. Shunda chiyillagan yoki chinqirgan tovush hosil boʻladi. Ish tarziga kura. sirena dinamik (aylanuvchi) va pulslanuvchi xillarga boʻlinadi. Dinamik sirena kengroq tarqalgan. Bunday sirenaning radial va oʻqaviy xillari bor. Radial sirenada gaz (havo) oqimi oʻqqa perpendikulyar ravishda radius boʻyicha yoʻnaladi, oʻqaviy sirenada oqim aylanish oʻqiga mos keladi. sirenaning quvvati oʻnlarcha kVt ga yetishi mumkin. sirena mayoklar, kemalar, parovozlar va boshqalarda, aholini xavfxatardan ogoxlantirish uchun ishlatiladi.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, Vikipediyaga yordam berishingiz mumkin. k m t Bu andozani aniqrogʻiga almashtirish kerak.