Rysels-Vloandern

Rysels-Vloandern (Frans: La Flandre Lilloise) was e Franstoalig dêel van 't oud Groafschap Vloandern, die bestoend uut de steedn en kasselryen Rysel (Lille), Dowoai (Douai) en Ôorschie (Orchies). De streke ligt nu in Frankryk.

't Is nie 't zelfste lyk Frans-Vloandern, dat ôorsproenkelyk ook Nederlandstoalige gebiedn bevat. 't Is e dêel van Romoans-Vloandern. In 't Frans klaptn ze van la Flandre romane of la Flandre gallicante, soms verkêerd vertoald lyk Flandre-wallonne of Woals-Vloandern. De toale is nie Woals moa Picardisch en Frans.

In Rysels-Vloandern gedroegn z'under van tyd lyk e zelfstandige provinsje van de Lêge Landn. Azo dêen ze mee met de Unie van Atrecht, binst dat de reste van Vloandern meedei met de Unie van Utrecht. Loater wierd de streke 't centrum van de Fransche provinsje Flandre, die uutendelyk 't Frans Noorderdepartement kwam.

In de stad Rysel anzien z'under zelvn lyk "Vlams", kyk moa noa de noame van de centroal geleegn stoasje "Lille Flandres".