Senegaal

Réewum Senegaal
Barabu Senegaal ci Rooj
Dayo	196,723 km2
Gox	Afrig
Way-dëkk	12,853,259 nit
Fattaay	59,26 nit/km2
Xeetu nguur - Njiitu Réew - Njiitu Jëwriñ	Pénc Maki Sàll Mohamed Dionne
Tembte - Bawoo - Taariix
Péy ak rëddi - Tus-wu-gaar - Tus-wu-taxaw	Ndakaaru 14° 43′ 29.06″ Bëj-gànnaar      17° 28′ 24.06″ Sowwu / 14.7247389, -17.47335
Làkku nguur-gi	Faraañse 94% dinañ wax wolof pël, séeréer, joolaa
Koppar	Franc CFA (XOF)
Turu aji-dëkk	Senegaal-Senegaal Sa-Senegaal
Telefon
Lonkoyoon bu Senegaal

Senegaal menn la ci réew yi ne ci Sowwu Afrig, mu bokk nag ci Afrig gu bëj-saalumu saxraa (Afrique sub-saharienne), Mbàmbulaanug Atlas diw digam ci sowwu, taqaloo ak Gànnaar ci bëj-gànnaar ak penku, Mali féete ko penku, Ginne ak Ginne Bisaawóo ci bëj-saalum, Gàmbi moom sos ab daanaka-jiba (quasi-enclave) ci biir Senegaal, sutuxlu ba ci lu ëpp 300 jñ (km) ci biir suuf yi. Duni Bopp bu Nëtëx bi (Cap-Vert) ñi ngi ci 560 jñ ci tefesi Senegaal yi.

Réew maa ngi duppe aw turam ci dex gi ko peeg ci penku ak bëj-gànnaar, te ab balluwaayam bawoo ca Fuuta Jallon ca Ginne, di Dexug Senegaal. Njuuxam lu gëwéel la te di lu fendi te yor ñaari jamono: jamonoy nawet (jamonoy taw) ak ju noor (jamonoy fendi).

Ci jamonoy canc gi (la période coloniale), ay digg yu yaxantu yu bari, yu ay imbraatóor yu canc (empire coloniale) moomoon, daal di woon nañuy sampu ci tefes gi gépp. Dëkkub Ndar mujj na di péeyub Afrig gu Sowwu gu Faraas, mu mujj juge ci di leegi Ndakaaru ci 1902, moom Ndakaaru nag mujj na di péeyu Senegaal ca ba mu jotee ca ag tembam / jonnam ca 1960, nekk ci cat li gën a féete sowwu ci kembaarug Afrig

La dale 2012 ba fii mu ne Maki Sàll mooy njiitul réew ma. Senegaal ak donte bokk na ci càmpéef yu bari yu àdduna si, teewul bokk na ci Bennoo gu Afrig (Union africaine) ak Mbooloom diiwaan yu Saxel-sahraa yi (Communauté des États sahélo-sahariens)

Senegaal nag yaatoo na 196.190 jñ².