Alblasserwaerd

D'n Alblasserwaerd is 'n waerd ('n deur rivieren ingeslote gebied) in Zuud-'Olland en 'n stukje in Utrecht ('n klein deêl van de gemeênte Vuufeêrenlan'n), en komt groôtendeêls overeen mie de groôtste in dit gebied liggende gemeênte, naemelijk Meulelan'n. Groôte plekken bin (bin tevens gemeênten): Alblasserdam, Papendrecht, Sliedrecht, Hardinxveld-Giessendam en Gorkem, alle 'elege an de west- of zuudkant.

D'n Alblasserwaerd maekt deel uut van de biebelgordel. Deu de zuudkant van d'n Alblasserwaerd loape de Betuwelijn en de rieksweg A15, deu d'n oôstkant rieksweg A27. 't Gebied telt 187.000 inweuners (2022), nie vee minder as de helft van Zeêland. De landoppervlakte is zo'n 260 km², vergeliekbaer mie 't eiland Flakkeê.