Kattendieke

Kattendieke (Nederlands: Kattendijke) is 'n durp in de gemeênte Goes mee 572 inweuners in 2023. Het durp is geliefd bie duukers vanwehe de gunstige liggieng an de Oôsterschelde. Het is vóó de dertiende eêuw ontstô deu ofdamming van de Deesche Waetergang. Kattendieke mikt sins 1970 deel uut van de gemeênte Goes. Toet de toe opgeheven gemeênte Kattendieke 'oôrde ok 't Wulleminadurp.

De sturmvloed van 1134 was bepaelend voo het ontstaen van 't dorpje Kattendieke. Bie deze vloed is een groôt gebied ten noor'n van Kattendieke, Weumelinge en Iese overstroômd.'Ierbie ontstong een kreeke. Nae de overstroôming van 1134 wiere Kattendieke en opnieuw bediekt deu de Cisterciënsers van de abdieje ter Doest in Vlaenderen.

As parochie wier Kattendieke al in 1251 genoemd. De voornaemste straete is de Durpstraete, wiran de uut 1404 daeterende kerke stit. De achtoekige toren mie pere stamt uut 1640. In de negentiende eêuw stonge d'r tweê meestoven, een weverieje en een korenmeule in het durp. Die bin noe aomè verdwene.