Altertum

Siit dr dütsch Schriftschdeller Johann Christoph Gottsched (1700–1766) dr Begriff Alterdum as erschte bruucht het, bezeichnet mä äso im europäische Kulturruum d Zit vo de Afäng vo de Hochkulture im Middelmeerruum und in Weschdasie bis zur germanische Völkerwanderig, em Undergang vom weschrömische Riich 476 odr em Afang vo dr Expansion vom Islam im Johr 632. As klassichs Alterdum odr Antike betrachtet me d Zit vo dr altgriechische Kultur und vom römische Kaiserriich, vom 5. Johrhundert vor bis zum 5. Johrhundert noch dr Zitewändi. D Antike isch dorum ä Deil vom Alterdum.

Mä deilt Europa, Nordafrika und Weschdasie in Kulturkreis ii, für zum se z schdudiere:

• Ägypte, wo mä im allgemeine au Nubie drzue zellt
• Mesopotamie: Sumer, Akkad, Assyrie, Babylonie, Mitanni
• Persie
• Chliiasie: S Riich vo de Hethiter
• Die öschdlig Middelmeerküschte beschdoht us vile chliine Kulturkreis: Phönizie, Kanaan, Juda. Ä Deil drvo wird vo dr Bibelforschig schdudiert.
• Griecheland
• Italie: Etrusker, Kelte, Rom
• Karthago, wo Küschdegebiet im weschdlige Middelmeerruum kolonisiert het