Back Antropologie AF የሰው ልጅ ጥናት AM Antropolochía AN علم الإنسان Arabic انثروبولوجيا ARZ Antropoloxía AST मानवशास्त्र AWA Antropologiya AZ آنتروپولوژی AZB Антропология BA
Anthropologii (altgriech. ἄνθρωπος (ánthrōpos) „Mensch“, und -logie: Menschekund) isch d Wüsseschaft vom Mensch. Si wird im dütsche Sproochruum und in vile öiropäische Länder vor allem as Naturwüsseschaft verstande. Die naturwüsseschaftligi oder füsischi Anthropologii luegt dr Menschen im Aaschluss an d Evoluzionstheorii vom Charles Darwin as biologischs Wääse aa.
Dere naturalistische Betrachdig vom Mensch stöön verschiideni anderi Aasätz gegenüber, zum Bischbil die filosofischi Anthropologii. Die undersuecht dr Mensch nit nume as Objekt, sondern au as Subjekt. Drbii goot s under anderem um kwalitativi Äigeschafte wie d Personalidäät, d Entschäidigsfreihäit und d Möglichkäit zur Sälbstbestimmig. D Bezäichnig Anthropologii goot zrugg uf e dütsch Filosof, Arzt und Theolog Magnus Hundt (1449–1519).