Arier

Dr Usdruck Arier (Sanskrit आर्य ārya^[1], avestisch airiia, altpersisch aryā^[2] neupersisch آریائی āryā’ī^[3], isch e Sälbstbezäichnig vo Lüt, wo indoiranischi Sprooche schwätze. Sit em 19. Joorhundert si öiropäischi Leenforme vom Wort vor allem in dr vergliichende Sproochwüsseschaft verwändet und vo dört au in andere Beriich übernoo worde.

Vor allem isch dr Begriff „Arier“ in Rasseideologie im 19. und 20. Joorhundert iigsetzt worde, zum Aaghöörigi vo bestimmte Menschegrubbe z bezäichne, wo drnooch definiert worde si, zu welere „Rasse“ bzw. „Hererasse“ si ghööre. Er isch bis zum Ändi vom Zwäite Wältchrieg vor allem as Antonym vo „Juud“ im Umlauf gsi. Vo wisse Rassiste wird dr Begriff „Arier“ as e Bezäichnig für die „wissi Rasse“ brucht, zum Bischbil vo de Aryan Nations in de USA oder vo Neonazi im dütschsproochige Ruum.

1. ↑ Monier Monier-Williams: A Sanskrit-English Dictionary etymologically and philologically arranged with special reference to cognate Indo-European languages, Clarendon Press, Oxford 1898, S. 152, s.v. अर्य Archivierte Kopie (Memento vom 14. Mai 2016 im Internet Archive); Otto Böhtlingk: Sanskrit-Wörterbuch in kürzerer Fassung, St. Petersburg 1879-1889, Band 3, S. 1115-1/2, s.v. अर्य [1].
2. ↑ Rüdiger Schmitt: Aryans. In: Encyclopaedia Iranica. Band 2, 1987, S. 684.
3. ↑ Dr Begriff aryā het im Persische bis zum Ändi vo dr Achämenidezit existiert; denn het en im Middelpersische dr Begriff ērānī abglööst, wo zum nöipersische īrānī worde isch. Erst im 20. Joorhundert isch dr Begriff Arier us em Franzöösische als āryā’ī nöiimportiert worde.