Pettenau (amtlich: Bettenau) isch e Wiiller i de sanggallische Gmaind Jonschwil. Er litt zwösched Jonschwil und Oberozwil am westliche End vom Pettenauer Waier. Südlich vom Wiiller isch no s Ghöft Oberpettenau mitere aalte Möli. De Willer bistoot vor alem us aalte Puurehüser. De Ort werd ane 772 zerschtmool innere sanggallische Uurchund as Betinauuia gnennt. Innere Urchund vom Joor 874 haissts Petenouwa. Oberpettenau werd zerschtmool 1468 gnennt. Im Joor 1803 isch de Wiiller zo de Gmaind Jonschwil choo.