Back Baixo electrico AN E-Boss BAR El-bas Danish E-Bass German Electric bass English Bajo eléctrico Spanish Basse électrique French Rafbassi IS Basso elettrico Italian E-Bass LB
| E-Bass | |
|---|---|
| ängl.: bass guitar, ital.: Basso elettrico, frz.: Guitare basse | |
 | |
| Klassifikation | Chordofoon Elektrofoon Zupfinstrumänt |
| Verwandti Instrumänt | E-Gitarre, Kontrabass, Akustischi Bassgitarre |
Dr Elektrisch Bass oder churz E-Bass isch e Zupfinstrumänt, wo mäistens us Holz gmacht isch. Er macht nume e liislige Doon und muess wie die elektrischi Gitarre versterkt wärde. Für das isch en elektromagnetische Doonabnäämer im Instrumänt iibaut, wo d Schwingige vo de Saite in elektrischi Signal umwandlet, wo denn normalerwiis mit eme Versterker hörbar gmacht wärde.
Im Geegesatz zum Kontrabass, wo ufrächt vor em Spiiler stoot, hängt dr elektrischi Bass, wo dr Spiiler bim Spiile mäisten stoot drbi, am e Draaggurt über dr Aggsle woogrächt oder im ene Winkel bis öbbe 45° vor em Körper vom Spiiler.
Als Bassinstrumänt läit er im ene Muusigansambel mit sine diefe Frekwänze s akustische Fundamänt. Basslinie, wo mit e-Bäss gspiilt wärde, si tüpisch für vili Muusigrichdige, öbbe Dschääs, Rock, Blues, Country, Pop, Schlager und Danzmuusig.