Fluchtgeschwindigkeit

D' Fluchtgschwindigkait oder Entwiichgschwindigkait (au 2. kosmischi Gschwindigkait) isch die minimal Gschwindigkait, wo ä ubeschlünigends Objekt benötigt, um s'Gravitationsfeld vume Himmelskörpers verlo z'chänne.

Wirft oder schießt mer uf de Erde ä Gegestand nooch obe, so erraicht er ä bestimmti Höchi un gheit no wiider uf d'Erde zruck. Je höcher d'Afangsgschwindigkait vum Objekts isch, desto größer isch die erzilt Höchi. Säll giltet, solang d'Afangsgschwindigkait chlainer wie d'Fluchtgschwindigkait vu de Erde isch.

Schießt mer ä Objekt mit mindistens de Fluchtgschwindigkait nooch obe, so längt d'Schwerchraft vu de Erde nit us, um s'Objekt vollständig abzbremse. Das Objekt entziegt sich de Gravitationschraft vu de Erde un wird sich fer immer vu de Erde entferne.

Wes fer d'Erde giltet, giltet au fer alli andere Himmelskörper. D'Fluchtgschwindigkait vu de Oberflächi vu de ainzelne Himmelskörper hängt debi vu dere Masse un ihrer Größi ab.

Ainigi Fluchtgschwindigkaite:

Um s'Gravitationsfeld verlo z'chänne, muess ä Objekt ä kinetischi Energi besitze, wo größer oder glich de potentielle Energi vum Gravitationsfeld isch. Fer d'Fluchtgschwindigkeit ${\displaystyle v}$ giltet also:

${\displaystyle {\frac {1}{2}}mv^{2}={\frac {GMm}{r}}}$

${\displaystyle v={\sqrt {2GM \over r}}}$

wobi ${\displaystyle G}$ d' Gravitationskonstante, ${\displaystyle M}$ d'Masse vum Himmelskörper un ${\displaystyle r}$ de Himmelskörperradius bzw. der Abstand vum Middelpunkt vum Himmelskörper sin.

Fer Satellite uf ere chraisförmige Bahn giltet: D'Fluchtgschwindigkait isch ${\displaystyle {\sqrt {2}}}$ mol so groß wie ihri Bahngschwindigkait.

Ä Spezialfall stellt ä Schwarzes Loch dar: Do isch d'Fluchtgschwindigkait größer wie d'Leechtgschwindikait c, wo nit yberschritte werre cha. Somit blibt alles, was in de sognennte Eraignishorizont chummt, fer immer im Schwarze Loch.

Dä Artikel basiert uff ere fräie Übersetzig vum Artikel „Fluchtgeschwindigkeit“ vu de dütsche Wikipedia. E Liste vu de Autore un Versione isch do z finde.