Back Pous Gregorius VII AF غريغوري السابع Arabic جريجورى السابع ARZ Gregorio VII AST VII Qriqori AZ Грыгорый VII (Папа Рымскі) BE Григорий VII Bulgarian Gregor VII BR Gregori VII Catalan Gáu-huòng Gregorius 7-sié CDO
Dr Gregor VII. (* um 1023 vermuetlich z Sovana i de Toskana; † 25. Mai 1085 z Salerno) isch Papscht vo 1073 bis 1085 gsi. Är gilt als eine vo de bedüütendschte Päpscht.
Als Mönch Hildebrand isch er länger im Reform-Chloschter Cluny gsii. Als Papscht het er denn diversi Reforme duuregsetzt, wo wiitgehend no bis hüüt Beschtand händ. So de Zölibat (d Ehelosigkeit vo de katholische Prieschter) und d Abschaffig vo dr Simonie (Handel vo geischtliche Ämter). Im Inveschtiturschtriit het er en Teilerfolg gege s düütsche Kaiser-/Königtum erziilt, wo nach lange Schtriitereie und wiit nach siim Tod im Wormser Konkordat vo 1122 feschtgschriibe worde isch, dass dr Papscht es gewichtigs Wort mitzrede het bii dr Inveschtitur (Iisetzig) vo de Bischöf. Vor em Gregor händ das d Kaiser vom Heilige Römische Riich in alleiniger Kompetenz gmacht.