Helvetische Republik

	Helvetische Republik; République helvétique (franzöösisch); Repubblica elvetica (italienisch)
{{{ARTIKEL-FLAGGE}}}	{{{ARTIKEL-WAPPEN}}}
Hauptstadt	de facto: Luzärn, de jure Aarau (1798), Luzärn (1798) und Bärn (1802) nochenander
Staatsoberhaupt	Landammaa
Regierigschef	Vollziehigsdirektorium (1798–1800), provisorische Vollziehigsusschuss (1800), Vollziehungsrat (1800–1803)
Iiwohnerzahl	1'493'726 (1800)
Währig	Schwizer Franke
Gründig	1798
Uflösig	1804
	Die Helvetischi Republik mit de Kantöön Die Helvetischi Republik mit de Kantöön

Die Helvetischi Republik (franz. République helvétique, ital. Repubblica elvetica) isch e zentral regierte Eiheitsstaat gsi, wo uf em Bode vo dr Alte Eidgenossenschaft errichdet worden isch. Si isch am 12. April 1798 z Aarau broklamiert und am 10. März 1803 ufglöst worde. As französischi Dochderrepublik si ihre Ufbau und Institutione dene vo dr revolutionäre französische Republik sehr ähnlig gsi.

Wil si aber mehr oder weniger de Schwizer vo de Franzose ufzwunge worden isch, isch si in wite Kreis verhasst gsi. Das het Bürgerchrieg noch sich zoge und e französischi Bsatzig, wo witi Landstrich verwüestet het.

Däm Abschnitt vo dr schwizerische Gschicht sait me d Helvetik. D Bezeichnig vo dr Schwiz as «Helvetie» het sich am antike Volk vo de Helvetier orientiert, wie s em domolige Zitgeist entsproche het.