Zum Hooche Aadel het mä die regierende Suwerään vom Dütsche Bund und spööter vom Dütsche Riich zelt: d Köönig, d Groossherzöög, d Herzöög, d Landgroofe, d Markgroofe, d Pfalzgroofe und d Fürste und noch iine die mediatisierte Souverään vom Häilige Römische Riich: Herzöög, Landgroofe, Markgroofe, Fürste und mänggi Groofe.
Bim Hüroote isch druf ufbasst worde, ass d Partner eebebürtig sige, und das nit nume under em Hooche Aadel, sondern au bi dr niidere Nobilidäät.
Im Gothaer Hoofkaländer, wo dr Inhalt von em hüte em Genealogische Handbuech vom Aadel, Fürstligi Hüüser, 1. und 2. Abdäilig entspricht, si
- die öiropäische Suwerään as „Première Partie – Généalogie des Maisons Souveraines“ und
- die Mediatisierte as „Deuxième Partie – Généalogie des Maisons seigneuriales médiatisées en Allemagne qui ont les droits d'égalité de naissance avec les maisons souveraines“
ufgfüert. Fast alli übrige Fürste in Öiropa si in dr „Troisième Partie“. In deere Kategorii isch d Eebebürtikäit in de äinzelne Huusgsetz greeglet.