Italienische Regionen

D Regione (italienisch regioni, Singular regione) z Italie sind di oberschti Ebeni vo de Gebietskörperschafte noch em Staat. Es git 20 Regione und die sind, mit Uusnahm vom Aostatal, i Provinze (province) bzw. Metropolitanstedt undertailt.

Füüf Regione sind autonomi Regione und händ es Sonderstatut, nämli Aostatal, Friaul-Julisch-Venezie, Sardinie, Sizilie und Trentino-Südtirol. Di andere 15 Regione sind Regione mit Normalstatut.

Will d Region Aostatal för statistischi Zwäck au as Provinz zellt wört, ergit da 107 italienischi Provinze. D Provinze Booze (Südtirol) und Trient (Trentino) nemmid e Sonderstellig ii – si sind autonomi Provinze und de italienische Regione gliichgstellt.

Di underschti Ebeni vo de Gebietskörperschafte, aso underhalb vo de Provinze, bilded d Gmainde (comuni) und vo däne gits 7'998 (Stand 1. Juli 2016).^[1]

1. ↑ Codici dei comuni, delle città metropolitane, delle province, delle regioni e variazioni territoriali e amministrative al 1 luglio 2016 istat.it (Istat – Istituto nazionale di statistica), abgruefen am 20. November 2016