Kamassische Sprache

D Kamassisch Sproch isch aini vu dr samojedische Sproche. Die bilde zämme mit dr finno-ugrische Sproche di uralisch Sprochfamilie. Kamassisch ghert wie Selkupisch un s uusgstorbe Matorisch zue dr Gruppe vu dr sidsamojedische Sproche.

Kamassisch isch z Russland eschtlig vum Ural bis zum Jenissei gschwätzt wore. Dialäkt sin Kamas un Koibal (Kaibal) gsii. Dr Nidergang vu dr Sproch het scho im 18. Johrhundert aagfange, wu d Kamassiner allmeh in dr turksprochige Chakasse ufgange sin. Di letscht Muetersprochleri isch d Klavdiya Plotnikova gsii, wu anne 1989 gstorben isch.

Wichtigi Arbete iber s Kamassisch hän di finnische Sprochwisseschaftler Matthias Alexander Castrén un Kai Donner verfasst. S git zahlrychi Tonbänder un Videoufnahme, wäge däm isch s Kamassisch relativ guet dokumentiert.