Karatschi

Karatschi كراچى ‎
Staat:	Pakistan
Browinz:	Sindh
Koordinaten:	24° 52′ N, 67° 1′ O24.8667.018Koordinate: 24° 51′ 36″ N, 67° 0′ 36″ O
Hööchi:	8 m
Flechi:	3 527 km²
Iiwooner:	13.052.000 (2010)
-Metropolregion:	15.700.000 (2010)
Bevölkerigsdichdi:	3.701 Iiwooner bro km²
Zitzoone:	PST (UTC+5)
Delifonvorwaal:	(+92) 021
Bostläitzaal:	74000-75900
Auti-Kennzäiche:	KA und KC
Gliiderig:	18 Stadtbezirk
Nazim (Bürgermeister) :	Syed Mustafa Kamal
Website:	www.karachicity.gov.pk
Karatschi

Karatschi (änglisch: Karachi, Urdu كراچى‎, Sindhi: ڪراچي‎) isch die grössti Stadt in Pakistan und d Hauptstadt vo dr Browinz Sindh. Bis 1959 isch es die pakistanischi Hauptstadt gsi.

Karatschi het 13,1 Millione Iiwooner (2010)^[1] und isch äini vo de grösste Stedt uf dr Wält. In dr Agglomerazioon lääbe 15,7 Millione Lüt (2009).^[2] In Pakistan git s aber kä Behörde, wo d Woonsitz vo Persone registriere, doorum si die Iiwoonerzaale Hoochrächnige uf dr Basis vo de Resultat vo Volkszelige.

S Verwaltigsgebiet vo Karatschi isch kä zämmehängends Stadtgebiet, sondern weer – mit sinere ländlige Siidligsstruktur, wo usserhalb vo dr Kärnstadt dominiert – eender mit ere chliine Browinz vergliichbar.

D Stadt isch s Wirtschafts-, Handels- und Brodukzionszentrum, Vercheerschnote, Kulturzentrum mit vile Uniwersidääte, Hochschuele, Forschigsiirichdige, Museum, Galerie und Baudänkmööler em grösste Haafe vom Land. Äini vo de bedütendste Seenswürdigkäite isch Mazar-e-Quaid, s Mausoleum vom Gründer vo Pakistan, Mohammed Ali Jinnah (1876–1948), wo in dr Stadt uf d Wält cho und au dört begraabe isch.

1. ↑ UN - World Urbanization Prospects: The 2007 Revision Population Database (Memento vom 23. Dezämber 2009 im Internet Archive) (Uswaal linggs: City population, Uswaal rächts: Pakistan), abgrüeft am 19. Juli 2011.
2. ↑ City Population: Die größten Agglomerationen der Welt (Memento vom 6. Jänner 2015 im Internet Archive)