Kfz-Kennzeichen (Deutschland)

S Auto-Nummèrèschild (amtssprõchlich. au Kfz-Kennzeichè) isch z Dütschland diè amtlichi Kennzeichnung vo Faarzüüg für Autos un Auto-Ahänger lut dè Faarzüüg-Zuèlassungsvoordnung (FZV), wo vo dè Chraftfaarzüüg-Zuèlassungsschtell uusgää wörd. S Auto-Nummèrèschild bschtòt us èm Unterscheidungszeichè (ein bis drei Buèchschtabè, z. B. RA) un dè Erkennungsnummèrè (ein odder zwei Buèchschtabe un bis zu vyr Ziffèrè, z. B. KL 8136). Für zuèlassungspflichtigi Chraftfaarzüüg dièned si zämmè mit dè Faarzüügschii als Nõchwys für d Zuèlassung vo Faarzüüg für dè Strõßèvokeer durch è örtlich un sachlich zuèschtändigi Strõßèvokeersbehördè (je nõch Woonsitz bzw. Unternämmenssitz). Faarzüüg, für diè è allgemeini Bedrybserlaubnis odder Tǜpgeneemigung langèd (zuèlassungsfreyi Faarzüüg), hèn è Vosicherungskennzeichè. Sèll gildet zuèlassungsrächtlich nit als amtlichs Kennzeichè, wo vo dè Auto-Haftpflichtvosicherung uusgää wörd. Dè Begriff Auto-Nummèrèschild stòt glychermaßè für diè alphanumerischi Zeichèchetti wiè au für s eigentliche Nummèrèschild.

D Lischtè vo dè dütschè Nummèrèschilder enthaaltet alli zur Zit feschtglaitè Unterscheidigszeichè, inklusyv vo allnè ehemòls uffghobbènè un nõch dè Änderung vo dè Faarzüüg-Zuèlassungsvoordnung 2012 widder ygfüürtè Unterscheidigszeichè. Zuè dè uffghobbènè Unterscheidigszeichè, also söttigè, wo nimmi zuèdeilt wörrèd dürfè, luèg d Lischtè vo dè dütschè Nummèrèschilder, wo nimmi uusgää wörrèd. Zu allnè z Dütschland bisher uusgääènè Unterscheidigszeichè mit Aagabè zuè dè Zitrüüm luèg d Lischtè vo allnè dütschè Nummèrèschilder.