Klimatologie

D Klimatologii isch en interdisziplinääri Wüsseschaft vo de Fachgebiet Meteorologii, Geografii, Geologii, Ozeanografii und Füsik. Si erforscht d Gsetzmäässigkäite vom Klima, also vom durchschniddlige Zuestand vo dr Atmosfääre an äim Ort und de Brozäss, wo drbii vor sich gönge. Für daas brucht d Klimawüsseschaft under anderem statistischi Methoodik.

Klimatoloogischi Erkenntniss chömme vo dr langfristige Beobachdig und Modellierig vo dr Straalig, dr Tämpratuur, vom Luftdruck, de Wind und Windsüsteem, vom Niiderschlaag und de geograafische Faktoore, wie Lengi- und Bräitegraad, dr Hööchi über em Meeresspiegel, dr Gstalt vo dr Ooberflechi, wie dr Boode gmacht isch und dr Vegetazioon. Atmosfäärefüsikaalischi und paläoklimatoloogischi Undersuechige si eebefalls Däil vo dr klimatoloogische Forschig.