Back Leponti BR Leponcis Catalan Lepontier German Lepontii English Leponcios Spanish لپونتیها FA Lépontiens French לפונטי HE Lepontusok Hungarian Suku Leponti ID
D Lepontier (lat. Lepontii; altgriech. Ληπόντιοι, Lēpóntioi) sind e keltischi Stammgruppe gsii, wo voralem i de Alpe um de Gotthard glebt het, im Quellgibiet vom Tessin, Rotte und Rhii.[1] Im Süde hend si zwüschet em Langesee und em Comersee gsidlet.[2] Au im Eschetal mitem Vorort Oscella Lepontiorum (hüt: Domodossola) hend Lepontier glebt und zäme mit de Uberer, en Tailstamm vo de Lepontier im Goms,[3] de Simplonpass kontrolliert. De Volksname isch im Livinetal (Valle Leventina) im obere Tessin erhalte. Au Ortsnäme im westliche Bündnerland werdet uf da Volk zruggfüert. De keltisch Name bidütet »Uuswanderer«.[4]