Back Wiskundige AF Matematico AN गणितज्ञ ANP عالم رياضيات Arabic ماطيماتيسيان ARY Matemáticu AST गणितज्ञ AWA Riyaziyyatçı AZ ریاضیچی AZB Математик BA
Mathematiker schaffe as Hüeter und Witerentwickler vom Fachgebiet vo dr Mathematik und beschäfdige sich au mit dr Aawändig vo de Erkenntniss uf braktischi Belang. Mit Hilf vo mathematische Methode chunnt mä zu exakte Erkenntniss und Ussaage, in bestimmte Däilgebiet au zu kwantitative Resultat (z. B. us dr Numerik und dr Statistik).
Wil Mathematik au im Alldaag en immer gröösseri Rolle spiilt, wärde Mathematiker in vile Beriich beschäfdigt, bsundrigs in dr Forschig, in de Wirtschaftswüsseschafte, in Versicherigsundernääme, im Öffentlige Dienst (Schuele und Universidääte, Statistik), im Marketing, in dr Meteorologii, in dr Logistik, in dr Bildverarbäitig, in dr Sicherhäitstechnik und natürlig in dr Informazioonstechnik.
Spezialgebiet wo si din schaffe si under anderem die Numerischi Mathematik, d Statistik, die Mathematischi Logik, d Algebra, d Geometrii, d Analysis, d Modälltheorii und d Woorschinligkäitstheorii. Wil mä vili vo de Verfaare und Technike au uf anderi Däilberiich cha überdrääge, isch s nid immer mööglig, äidütig iizordne.