Back Michail Bakoenin AF Mikhail Bakunin AN ميخائيل باكونين Arabic ميخائيل باكونين ARZ Bakunin AST Mixail Bakunin AZ Бакунин Михаил Александрович BA Mikails Bakunins BAT-SMG Mikhail Bakunin BCL Міхаіл Аляксандравіч Бакунін BE
Dr Michail Alexandrowitsch Bakunin (russisch Михаил Александрович Бакунин, wiss. Transliteration Michail Aleksandrovič Bakunin; * 18. Maijul./30. Maigreg. 1814 in Prjamuchino, Oblast Twer; † 1. Juli 1876 z Bärn) isch e russische Revoluzionäär und Anarchist gsi. Er gältet as äine vo de iiflussriichste Dänker, Aktiviste und Organisatore vo dr anarchistische Beweegig.
Dr Bakunin isch von ere alte russische Adelsfamilie cho. Er isch Artilleriioffizier und Mathematikleerer gsi. Won er in Westöiropa gsi isch, het er e Hufe revoluzionääri Persönligkäite kennegleert, isch 1848 an de Revolte z Bariis und Prag drbii gsi und 1849 an isch er en Aafüerer z Dresde gsi. Dr Ufstand im Mai dörte isch zämmegschlaage worde und mä het dr Bakunin festgnoo und interniert. Er isch acht Joor lang im Gfängnis gsi und no vier Joor lang in dr sibirische Verbannig, bis es em glungen isch, z flüchde. Er isch denn vor allem z Pole, wo zu sällere Zit verstücklet gsi isch, und im nöigründete Königriich Italie aktiv gsi.
Dr Bakunin het d Idee vom kollektivistische Anarchismus entwigglet. In dr Internazionale Arbäiterassoziazioon isch er d Hauptfigur vo de Antiautoritääre gsi und in Komflikt cho mit em Generalrootmitgliid Karl Marx, was zur Spaltig vo dr Internazionale gfüert het und gliichzitig zur Drennig vo dr anarchistische Beweegig vo de Kommuniste und dr Sozialdemokratii.